Притвор за силувачот од Кавадарци: Три месеци силувал 13-годишна ученичка во стрелачкиот клуб

Притвор од триесет дена за тренер по стрелаштво од Кавадарци изрече надлежниот Основен суд од Велес откако во средата во Полициската станица од општа надлежност Кавадарци било пријавено дека извршил полов напад врз тринаесетгодишна ученичка од Кавадарци.

Според Министерството за внатрешни работи, 68 годишниот Б.П., кој бил тренер на девојчето,  во повеќе наврати во последните три месеци вршел обљуба врз ученичката во стрелачкиот клуб во подрумски простории на гимназијата „Добри Даскалов“ .

Случајот  е документиран во Полициската станица Кавадарци и е доставен до Основно јавно обвинителство Кавадарци.