Пристигна новата група американски волонтери кои се дел од Мировниот корпус
Педесет и шест Америкаци кои ќе служат како волонтери на Мировниот корупс денеска пристигнаа на скопскиот аеродром.
Тие за време на двегодишниот престој во државава ќе го споделат своето знаење и искуство работејќи како наставници по англиски јазик во училиштата, дефектолози во дневните центри за лица со посебни потреби, како и во областа на развојот на заедниците во невладини организации и општини.
Волонтерите беа пречени на аеродромот од директорот на Мировен корпус во Северна Македонија, Марк Ханафин.
– Ова е најголемата група волонтери во историјата на Мировниот корпус во Северна Македонија. Од година во година, бројот на волонтери сè повеќе се зголемува. Ова го покажува големиот интерес што постои кај Американците да служат во Северна Македонија, изјави Ханафин.
Ова е 24-та група на волонтери кои ќе живеат и работат во градови и села низ Северна Македонија. Во текот на првите три месеци, волонтерите ќе ги изучуваат локалните јазици и ќе се запознаат со македонската култура. Својата служба во земјата ќе ја почнат во декември.
Мировниот корпус е американска владина организација која ги реализира своите програми во партнерство со Министерството за образование и наука, Министерството за локална самоуправа и со Министерството за труд и социјална политика. Од 1996 година повеќе од 800 американски државјани служеле во Северна Македонија.
Ново на Сител
-
Клековски: За само една година направиме две промени во позитивната листа , го зголемивме и бројот на ин витро постапки од 3 на 6
-
Мајор уапсен за шпионажа: Наводно доставувал информации на Русија за украинските борбени авиони
-
Над 100 луѓе се убиени во израелски напади во Појасот Газа за еден ден, соопштија здравствените власти во енклавата
-
Сиљановска-Давкова до Бирн: Ирска да продолжи да се залага за кредибилен процес на пристапување базиран на заслуги
-
Жители на Русиново остануваат на терен по синоќешниот пожар кај месноста Св Марко кој е локализиран
-
Министерот Тошковски присуствуваше на отпочнување на процесот за полагање на испит за ракување со оружје
-
Илјадници обожаватели се простија од Ози Озборн
-
Трамп воведува 25 отсто царина на индиска стока, критикувајќи ги врските со Русија