Припадник на ИД од Германија продавал девојки робови на Фејсбук

Осомничен член на терористичката органзиација Исламска држава пред десетина дена преку социјалната мрежа Фејсбук сакал да продаде девојки припаднички на етничката група Језиди која што живее во северен Ирак, а беше најпогодена од ѕверствата на ИД. 

 

Терористот со воено име Абу Асад Елмани жените ги продавал како робови. На 20 мај тој ставил фотографија на жена на неговиот профил со порака:  „До сите браќа кои што размислуваат да купат роб. Ова чини 8.000 долари“.

 

На друга фотографија се гледа расплакано лице на друга девојка а под фотографијата пишува „Друг роб, за 8000 долари. Да или не?“.

 

Фотографиите веќе не можат да се најдат на Фејсбук но тие пред да бидат избришани се документирани од страна на „Институтот за медиумско истражување на Блискиот Исток. 

 

Од почетокот на воената кампања на ИД во Сирија и во Ирак џихадистите систематски затвораат, силуваат и продаваат припаднички на Јазидите, кои што се христијани по вероисповест.