Пријавени три жени кои си ги тепале мажите во Центар, Велес и Берово

Три одделни случаи на семејно насилство биле пријавени во Берово, Скопје и Велес, и во трите од нив мажи пријавиле дека биле физички нападнати од своите сопруги.

Во Берово, 45-годишен маж пријавил дека по претходна расправија во семејниот дом, тој и неговиот малолетен син биле физички нападнати од неговата 34-годишна сопруга.

Во Скопје, пак, 44-годишен маж пријавил дека во дом на подрачјето на Центар бил физички нападнат од неговата 37-годишна сопруга.

Одделен случај бил регистриран и во Велес, каде што полицијата ги лишила од слобода 54-годишната К.Т. и Д.С.(51). Претходно, 56-годишен велешанец пријавил дека бил физички нападнат од сопругата К.Т., а пријавил и дека сопругот на неговата вонбрачна партнерка телефонски му се заканувал.

За случаите се преземаат мерки, а по нивно целосно документирање ќе следуваат соодветни поднесоци.