Приходот од вечерашната претстава на Театар Комедија за хуманитарна цел

Театар Комедија ја продолжува хуманитарната акција – продажбата од билетите од последната претстава секој месец да ја донира за хуманитарни цели.

Собраниот приход од продадените билети за вечерашната претстава „Мечка“ од Антон П. Чехов од 20 часот ќе биде наменет за лекување на скопјанка што има оштетен вид.

Претставата е во режија на Димче Николовски и играат актерите: Жарко Димоски, Жаклина Петровска и Илија Илиоски.