При ископ во с.Калишта, струшко била пронајдена артилериска граната 105 мм со потекло од Првата светска војна

На 16.06.2025 во 09.00 часот во Полициската станица Струга било пријавено дека при ископ во с.Калишта, струшко, била пронајдена експлозивна направа.

Екипа од ОВР Струга и пиротехничар од Дирекцијата за штита и спасување извршиле увид и било констатирано дека се работи за артилериска граната 105 мм со потекло од Првата светска војна. Гранатата била безбедно подигната.