Превенција од малолетничко престапништво-тема на локален совет за превенција во Крива Паланка
Локалниот Совет за превенција -Крива Паланка одржа состанок на тема превенирање на малолетничко престапништво со елементи на насилство за подрачјето на општината.На состанокот присуствуваа претставници од основните и средното училиште, домот за учениции, Меѓуопштински центар за социјална работа, претставници од ОО Црвен крст, Здравствен дом.
Градоначалникот на општина Крива Паланка, Борјанчо Мицевски, истакна дека локалната самоуправа како една од надлежните институции се вклучува во реализација на активности за превенција на малолетничко престапништво.
– Би ја нагласил потребата од зголемена меѓуресорска соработка во насока на континуирано следење на новите трендови на младите и вложување сопствени ресурси за изнаоѓање начини и реализација на конкретни активности за општествена одговорност на младите,за да влијаеме на превенирање на малолетничкиот криминалитет, рече Мицевски.
Командирот на Полициската станица од општа надлежност Крива Паланка, Дејан Маринковски, говореше за состојбата на подрачјето на општината.
– Во 2017 година се евидентирани десет деца за кривични дела, додека во 2018 година заклучно со октомври евидентирани се вкупно осум, од кои едно за предизвикување тешка сообраќајна несреќа со последица смрт, додека другите се по основ на тешки кражби, нагласи Маринковски.
Самостоен инспектор за јавен ред и мир при СВР Куманово, рече дека е важно да се посвети внимание и на непријавени случаи, да се внимава и на настаните каде децата можат да бидат жртви на насилство, дрога, проституција,потенцирајќи дека во установите се реализира проектот безбедни училишта за да може полесно да ги препознаат и да превенираат при малолетничка деликвенција.
Популарно од Македонија
Ново на Сител
-
ЕУ официјално го одобри заемот за Украина и воведе нови санкции против Русија
-
Српската полиција уапси македонски државјанин осомничен дека сторил кривично дело измама
-
Утре без струја општините Студеничани, Петровец, Карпош и Гази Баба
-
Ангелов: Во Битола, на Тумбе Кафе пронајдени 1.067 неексплодирани убојни средства од Првата Светска војна
-
Посебен режим на сообраќај во Скопје во недела поради меморијална трка
-
Алиу најави можност лекар да евидентира во систем ако забележи пациент кој претрпел насилство, а не го пријавил
-
25-годишна девојка со автомобил удрила велосипедист на Партизанска и тешко го повредила
-
Јаневска за незаконските уписи на Филозофски: Сериозно ќе го разгледам извештајот и ќе постапам како што одлучил Инспекторатот
