Претставата „Хај Фај“ од Горан Стефановски утревечер пред кумановската публика
Во Кумановскиот театар утревечер ќе биде изведена претставата „Хај Фај“ од Горан Стефановски, во режија на Јани Бојаџи.
Во претставата играат Горан Илиќ како култниот лик на Борис и Здравко Стојмиров во улогата на Матеј, како и актерите од кумановскиот театар Кети Дончевска Илиќ, Сања Русеска, Антонио Димитриевски, Владо Дојчиноски и Љупчо Хаџи – Стојанов. Екипата и режисерот ја подготвувале преставата два месеци. Преставата ќе се игра на мала сцена,објасни режисерот Бојаџи, каде што нагласи се е оставено на актерските вештини и мајсторство.
Според Бојаџи, станува збор за драмски текст кој одбележала генерации, заради темата, бидејќи до појавувањето на „Хај Фај“ никој не пишувал на таков начин и за ваква тема.
- Хај Фај е една од оние универзални драми, кои се добро напишани и секоја драма која е добро напишана е за сите времиња, изјави режисерот Бојаџи.
Актерот Илиќ, пак, рече дека претсавата како да е извадена од потствеста, бидејќи на некој начин е семејна драма, оти во секоја куќа има јаз помеѓу генерации.
- Ми беше задоволство да работам со оваа прекрасна екипа, можам да кажам дека кумановски театар се враќа на добро познатите успешни патеки. Ова е само почеток на тие квалитетни претстави кои ќе се случуваат во Куманово, изјави Илиќ.
Актерката Кети Дончевска Илиќ истакна дека за театарот е убаво да ја негува сопствената драматургија.
- Текстот во секое време ќе биде актеуелен, публиката ќе може да се препознае себе си, некој близок, ситуација. Сметам дека кумановската публика ќе добие нов бисер на кумановската сцена, рече Дончевска-Илиќ.
Ново на Сител
-
Во среда прегласување на седум избирачки места, од полноќ изборен молк
-
Предупредувања од Европската Комисија за Преспанскиот договор
-
Владата не дава 100 евра по жител, пораките се лажни!
-
Смртни закани и за градоначалникот на Кавадарци
-
Статус кво на токсикологија - Догороворците си одат на работа, ДСЗИ ќе врши надзор неделава
-
Епидемијата со голема кашлица не стивнува
-
Жителите на прилепско Оревоец на Суд ќе ја бараат правдата
-
Во Скопје има 180 пожарникари, а потребни се над 450 - Подобри услови ќе бараат од новата Влада