Претседателските избори во Молдавија највројатно ќе имаат и втор круг
Претседателските избори во Молдавија, чиј прв круг се одржа вчера, по се изгледа ќе имаат втор круг, откако се намали првичната предност на прорускиот кандидат.
По пребројувањето на 90 отсто од гласовите, според Централната изборна комисија, лидерот на социјалистите Игор Додон освоил 49,91 отсто, а проевропскиот кандидат Маја Санду, поранешен економист во Светска банка, е втора со 36,7 отсто.
Доколку никој од кандидатите не обезбеди повеќе од 50 отсто гласови, ќе има втор круг на 13 ноември.
Како што јави ТАСС, лидерот на Партијата на социјалистите Игор Додон е уверен во својата победа.
- Независно од тоа како ќе се развива ситуацијата, ние сме уверени во победата. Гласањето јасно покажа дека лидерот на опозицијата во лицето на Партијата на социјалистите има најголема доверба меѓу граѓаните на Молдавија, добивајќи подршка од половина од гласачите, рече Додон.
- Ја сметам нашата победа за неизбежна и сите треба да го знаат тоа, вклучувајќи ги и нашите политички противници, рече тој во штабот на социјалистите во Кишињев, неколку часа по затворањето на избирачките места.
- Засега ова се првични резултати. Не можам да говорам за конечните резултати, но очигледно е дека ниту еден од кандидатите нема да собере повеќе од 50 отсто од гласовите, рече членот на Централната изборна комисија, Јуриј Чекан.
Во вториот круг ќе се појавата Додон, кој се залага за обновување на сратешкото партнерство со Русија и Санду, кој ја поддржува интеграцијата со ЕУ. На вториот круг нема минимален праг за учество на избирачите.
На овие први директни претседателски избори во Молдавија во изминатите 20 години учествуваа девет кандидати.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата