Претседателот Иванов се сретна со Вселенскиот Патријарх Вартоломеј I
Претседателот на Република Македонија Ѓорге Иванов за време на работната посета на Република Турција, имаше средба со Вселенскиот Патријарх Вартоломеј I, на која биле разменети мислења за повеќе актуелни теми од взаемен интерес.
Претседателот Иванов, како што соопшти неговиот кабинет, го запознал Вселенскиот патријарх за актуелностите поврзани со Македонската православна црква – Охридска архиепископија и нагласил дека сите разлики и спорови треба да се надминуваат преку дијалог, во духот на христијанството и меѓусебното почитување и разбирање.
Во тој контекст, македонскиот претседател истакнал дека го охрабрува и очекува дијалогот меѓу МПЦ и СПЦ да се обнови и да се интензивира, и притоа да ги има предвид реалностите како и надежите и стремежите на верниците на двете цркви.
На средбата, претседателот Иванов му честитал на Вселенскиот патријарх за неговите иницијативи, активности и напори за обезбедување поголемо единство во православната екумена и за помирување на христијанството со другите религии и за таа цел ги поздравил неговите средби и контакти со Папата Франциско, но и со другите религиски водачи.
- Кога целиот свет со соочува со тешки предизвици, потребна е заедничка силна посветеност и заложба во одбраната на христијанските вредности и принципи, а кои настојуваме да ги споделуваме во духот на дијалогот и меѓусебната почит, истакнал македонскиот претседател.
Изразувајќи задоволство од воспоставените односи на лично пријателство и меѓусебно разбирање, Иванов истакнал дека средбите со Патријархот Вартоломеј, секогаш се карактеризираат со отвореност, искреност и меѓусебно почитување.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп