Претседателот Иванов го прими грчкиот амбасадор Јанакакис
Македонскиот претседател Ѓорге Иванов денеска го прими шефот на Канцеларијата за врски на Република Грција во Република Македонија, Димитрис Јанакакис.
Иванов, како што соопшти неговиот кабинет, на амбасадорот Јанакакис му посакал добредојде и успех во вршењето на функцијата, воедно изразувајќи уверување дека со неговиот ангажман ќе придонесе во натамошното унапредување на билатералните односи меѓу двете земји.
Претседателот Иванов го поздравил интензивирањето на дијалогот на министерско ниво и напорите на двете земји за забрзување на процесот на имплементација на мерките за градење доверба.
- Неопходно е да ги збогатуваме и да внесуваме нова содржина во билатералната соработка, која недвосмислено помага во создавањето на позитивен амбиент. Истото се однесува и на позитивниот тренд во политичкиот дијалог кој во наредниот период треба да го одржуваме и збогатуваме на сите нивоа, истакнал Иванов.
Во тој контекст, македонскиот претседател ја нагласил потребата од продлабочувањето на економската соработка и усогласување и унапредување на правната рамка, како и потребата за натамошно инфраструктурно и енергетско поврзување, ревитализација на железничката мрежа и отворање на нови гранични премини.
Двајцата соговорници размениле мислење за можни проекти, чија реализација преку билатералната или регионалната соработка, би биле од интерес на нашиот регион.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска