Претрес во Куманово: Приведен 18-годишен дилер, пронајдена марихуана

Полициски службеници од Отсекот за недозволена трговија со дрога и оружје при СВР Куманово вчера го лишиле од слобода М.Т. (18) од Куманово.

Како што информираат од МВР, при преглед кај него на улицата „Пиринска“ во Куманово била пронајдена марихуана, додека подоцна при претрес во неговиот дом извршен со судска наредба биле пронајдени и одземени уште 10 опаковки марихуана и една дигитална вага.

- Кумановецот бил приведен во полициска станица и по целосно документирање на случајот против него ќе биде поднесена соодветна пријава.