Премиерот ја пофали бруталната одмазда: Му го отсекла пенисот на мажот што ја силувал со години

24-годишна Индијка му го отсекла половиот орган на еден хиндуистични самопрогласен свет човек кога се обидел да ја силува, а кој според нејзините наводи сексуално ја напаствувал во последните 8 години, соопшти индиската полиција.

Според полицијата од Тирувантапурана, главниот град на индиската држава Керала, девојката побегнала од својот дом по инцидентот кој се случил синоќа и повикала полиција.

Наводниот напаѓач, 54-годишниот Гангешананда Тиртапада, кој тврди дека е духовен исцелител, според извештаите е во стабилна состојба, по реконтруктивната хирургија.

Премиерот на државата Керала Пинараји Виџајан им рече на новинарите дека таа девојка покажала храброст.

-Тоа е храбра и цврста акција на жена, рече тој.

Телевизијата од Њу Делхи пренесе дека семејството на девојката го познава напаѓачот, кој доаѓал во нивната куќа за да го лекува нејзиниот татко.

Таа им рече дека тој ја силувал секогаш кога имал можност. Кога повторно синоќа дошол во нивната куќа и се обидел да ја напаствува, таа го зела ножот и го нападнала, пренесе полицијата. Во Индија расте бројот на сексуалните напади врз жени и покрај строгите закони кои ги воведе владата.