Премиера на „Жени“ во рамки на Кафе-кино

Премиера на филмот „Жени“, албанско-американска копродукција, ќе се одржи вечер во киното Милениум, во рамки на Кафе киното, како дел од програмата на Скопско лето 2015.

Станува збор за комедија во режија на Рудина Војвода, по сценарио на Кољорето Чукали. Главните улоги ги толкуваат Ермал Мамачи, Енџи Чуку и Замира Кита.

Со проекцијата на овој филм ќе биде заокружено овогодинешното Кафе кино на Скопско лето.

Во рамки на музичката програма, пред скопската публика вечер ќе настапи концертното дуо „Арт Вангард“ составено од Калина Мрмевска-пијано и Агнес Калај-виолончело од Унгарија. Концертот ќе се одржи во Музеј на град Скопје.