Премиер лигата одобри промена на сопственоста во Њукасл
Клубовите од Премиер лигата дале зелено светло за завршување на договорот за промена на сопственоста во Њукасл, објави таблоидот „Сан“. Официјалното соопштение за промената во текот на управувањето се очекува околу 1 јуни.
Според британските медиуми, Мајк Ешли ќе продаде 80 проценти од акциите на клубот на саудиски конзорциум предводен од принцот Мохамед бин Салман. Договорот е вреден вкупно 300 милиони фунти, при што 10 проценти од клубот треба да ги стекнат британските милијардери, браќата Рубен, кои исто така се дел од конзорциумот.
И покрај протестите на голем број невладини организации дека договорот не треба да се случи бидејќи човековите права не се почитуваат во Саудиска Арабија, претставниците на предложениот нов менаџерски тим на „црно-белите“ ги исполниле барањата на Премиер лигата за морал и лични квалитети.
Финализирањето на договорот ќе стави крај на 13-годишното раководство на Ешли, кој не беше сакан од приврзаниците на Њукасл поради просечните резултати на теренот и немањето сериозни инвестиции во тимот.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април