Премиер лига: Тотенхем поразен на гости кај Вест Хем

Со голот на Мануел Ланзини во 65.минута Вест Хем вечерва оствари победа над Тотенхем со 1-0 во првиот натпревар од 36.коло од Премиер лигата. Со трите освоени бода Вест Хем и теоретски обезбеди опстанок во Премиер лигата додека за Тотенхем овој пораз значеше и крај на серијата победи од девет натпревари.

Тотенхем со овој пораз ги намали шансите за титулата бидејќи остана на 77 бодови, четири помалку од лидерот Челзи. Притоа имаат и еден натпревар повеќе одиграно.