Премиер лига: Ливерпул едвај до три бода со Барнли

Екипата на Ливерпул со пресврт успеа да стигне до победата во единствениот натпревар од 28.коло од Премиер лигата одигран денеска. Ливерпул го совлада Барнли со 2:1. Гостите поведоа во 7.минута преку Ешли Барнс. Џорџинио Вајналдум изедначи во судиското надополнување на првиот дел (45+1 минута), а победата на „црвените“ им ја донесе Емре Џан во 61.минута. Ливерпул со трите бодови има вкупно 55 и се зацврсти на четвртото место.

На вчера одиграните дуели од оваа рунда: Евертон – ВБА 3:0, Хал – Свонси 2:1 и Бурнемут – Вест Хем 3:2. Во средата Манчестер Сити и Стоук одиграа 0:0.

Другите натпревари од ова коло се одложени поради четвртфиналните дуели од ФА купот.

Табела: Челзи 66 бодови, Тотенхем 56, Манчестер Сити 56, Ливерпул 55, Арсенал 50, Манчестер Јунајтед 49, Евертон 47,...