Прехранбени пакети за граѓани во социјален ризик од Македонска Каменица

По повод новогодишните и божикните празници Македонска Каменица и рудникот „Саса“ ќе поделат 60 социјални пакети за ранливите категории граѓани и за граѓани во социјален ризик.

 

Градоначалникот на Македонска Каменица Дарко Митевски денеска истакна дека со оваа хуманитарна акција, општината и рудникот, како најголем стопански субјект, ја покажуваат својата грижа кон оваа ранлива категорија граѓани.

 

- Македонска Каменица во соработка со рудникот „Саса“, традиционално за време на новогодишните и божикните празници доделуваат прехранбени пакети и пакети со средства за хигиена, на семејства кои се во социјален ризик. Дел од пакетите беа доделени денеска, а останатите ќе бидат однесени во нивните домови. Освен овие пакети, подготвуваме пакети за пензионерите, рече Митевски.