Преглед на вестите од светот

Унгарија го објави своето повлекување од меѓународниот кривичен суд на првиот ден од посетата на Будимпешта на израелскиот премиер Бенјамин Нетанјаху, против кого овој суд издаде налог за апсење поради наводини воени злосторства во Газа.

Премиерот Орбан го покани Нетанјаху во Унгарија набргу откако судот ја објави потерницата во ноември 2024 година, истакнувајќи дека таа „нема ефект во Унгарија“. Членките на судот се обврзани да ги приведат лицата по кои МКС објавил потерници. Нетанјаху пак порача дека „меѓународниот суд е гнил и корумпиран“. Нетањаху четири дена ке биде во Унагрија а според најавите ке се сретне и со претесдателот Тамаш Шуљок.

Бројот на загинати во земјотресот што го погоди Мјанмар пред шест дена се искачи на 3.085, објави воената хунта што ја води земјата. Во кусото соопштение, властите соопштија дека 4.715 лица се повредени, додека 341 лице се водат како исчезнати. Потрагата по исчезнатите лица продолжи и денеска. Во потрагата помагаат спасувачки тимови од Русија, Кина и Јапонија.

80 српски студенти во блокада тргнаа со велосипеди од кампусот на Универзитетот во Нови Сад на 1.300 километри долг пат до Стразбур. Целта на акцијата како што порачаа студентите е да побараат поддршка од претстанивниците на Советот на Европа и ЕУ за нивните барања за кои со месеци протесрираат и ги блокираат факулетите. Се очекува тие да пристигнат во Стразбур на 17 април преку преку Будимпешта, Братислава, Виена, Линц и Улм.