Прегазен пешак кај село Гиновце, возачот побегнал од местото на несреќата

Според информациите од Министерството за внатрешни работи, несреќата се случила околу 19 часот и 5 минути, кога непознато возило управувано од непознат сторител кај место викано „Бентомачки пат“ удрило во пешак, 60-годишниот Д.Н., жител на село Гиновце, кој се движел во истата насока.  Пешакот, роден 1957 година, во незгодата се здобил со тешки телесни повреди во пределот на главата, а екипа на Итна медицинска помош го префрлила во Здравствен дом, Крива Паланка. Поради сериозноста на повредите, како што информираат од МВР, бил префрлен во Клинички центар, Скопје.

 

Увид извршила екипа на Полоциска станица од општа надлежност, Крива Паланка, а МВР работи на утврдување на причините за несреќата. Полицијата се уште трага по сторителот.