Предупредувачки штрајкови почнуваат и вработените во градскиот транспорт во Грција

Вработените во метрото, трамваите и електричната железница во Грција почнуваат од денеска четиричасовен предупредувачки штрајк.

Тие протестираат против приватизацијата на градскиот транспорт и против задоцнетото потпишување на нови колективни договори.

Синдикатите ја обвинуваат Владата за тоа дека по барање на меѓународните кредитори на земјата, дозволила градскиот превоз да биде распродаден.

Во рамките на третиот спасувачки пакет, Грција договори со кредиторите создавање нов фонд за приватизација, кој во текот на 30 години ќе акумулира државни средства во износ од 50 милијарди евра.

Половина од акумулираните средства ќе се користат како гаранција за рекапитализација на банките, а останатите ќе бидат искористени за економскиот развој на земјата и за отплата на државниот долг.