Предлог–законот за измени на Законот за државјанството денеска пред пратениците на една од собраниските седници
Предлог – законот за изменување и дополнување на Законот за државјанството на Република Македонија, по скратена постапка, во второ читање, поднесен од група пратеници е на дневен ред на една од неколкуте за денеска најавени седници на Собранието на Република Македонија.
Предлог-законот го поднесоа пратениците Зијадин Села, Скендер Реџепи, Сурија Рашиди, Сафије Садики Шаини, Абдула Салиу, Елми Азири, Халил Снопче, Илире Даути, Атнан Незири, Артина Ќазими, Хусни Исмаили и Африм Гаши.
Како што е најавено пратениците треба да расправаат и по Предлогот на закон за изменување и дополнување на Законот за личната карта, по скратена постапка.
Предлогот на законот за изменување на Законот за аудио и аудиовизуелни медиумски услуги, по скратена постапка, е на дневниот ред на денешната 26-та седница на Собранието на Република Македонија.
На дневниот ред на седницата се и Предлог – законот за утврдување на правен статус на бесправно изградени објекти, Предлог-законот за дополнување на Законот за финансирање на единиците на локалната самоуправа, сите по скратена постапка, како и Предлогот на закон за преиспитување на факти и докази користени во судска постапка, во прво читање.
Најавена е и расправа по Предлог -стратегијата за регионален развој 2020 – 2030.
На една од денешните собраниски седници ќе се дискутира и по Предлог – законот за задолжување на Република Македонија со заем кај Меѓународната банка за обнова и развој – Светска банка по Договорот за заем за финансирање на Проектот за енергетска ефикасност во јавниот сектор, по скратена постапка.
Пратениците се очекува да дискутираат и по Предлог на закон за задолжување на Република Македонија со заем кај Европската банка за обнова и развој по Договорот за заем за финансирање на проектот „Воведување на брз автобуски превоз во Град Скопје“, како и по Предлог на закон за изменување и дополнување на Законот за Македонската банка за поддршка на развојот, скратена постапка.
Меѓу другите точки на дневниот ред на седниците се и Предлог – законот за изменување на Законот за оружјето, Предлог на закон за изменување и дополнување на Законот за прекршоците против јавниот ред и мир, како и Предлог на закон за изменување и дополнување на Законот за патните исправи на државјаните на Република Македонија, сите во прво читање.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот