Преброени половина од гласовите, Ердоган убедливо води со 57 проценти
Со преброени веќе половина од гласовите, турскиот претседател Реџеп Тајип Ердоган има убедливо водство пред водечкиот противкандидат Мухарем Инџе од 57 проценти наспроти 29 проценти од гласовите.
Со ваков резултат, Ердоган може да очекува да биде реизбран за претседател уште во првиот круг од изборите, по што ќе ја преземе функцијата со нови, значително пошироки овластувања, кои беа одобрени на минатогодишниот референдум.
Одзивот на претседателските и парламентарните избори што се одржаа денеска во Турција изнесувал високи 87 проценти. Гласовите на парламентарните избори се бројат со задоцнување во однос на гласовите од претседателските избори, но и тие резултати покажуваат убедливо водство на конзервативната АКП партија на Ердоган пред социјал-демократската ЦХП на Инџе и Кемал Киличдароглу. Со преброени 40 проценти од гласовите, АКП води со 47 проценти, пред ЦХП со 19. Про-курдската партија ХДП има 9 проценти од гласовите.
ЦХП го критикуваше објавувањето на првичните резултати, велејќи дека со објавувањето на високото водство на Ердоган и АКП се прави обид да се манипулира со очекувањата на граѓаните и да се сузбијат евентуални изрази на незадоволство и барања за пребројување на гласовите. Лидерот на оваа партија Киличдароглу претходно обвини за нерегуларности при гласањето на југоистокот на Турција.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп