Пратеничка група на ВМРО-ДПМНЕ: СДСМ го злоупотребија правото да постават прашања
Пратеничката група на ВМРО-ДПМНЕ попладнево преку соопштение реагираше на прес-конференцијата на координаторот на пратеничката група на СДСМ Горан Сугарески, кој побара седница за поставување пратенички прашања.
- Сугарески на денешната прес-конференција глумеше и се обиде да ја претстави СДСМ како партија која се залага и бара итно одржување седница за поставување пратенички прашања, се вели во реакцијата на пратеничката група на ВМРО-ДПМНЕ.
Од ВМРО-ДПМНЕ потсетуваат дека пратениците од СДСМ година и пол, како што истакнуваат, не доаѓаа на работа, земаа плата од граѓаните и пропуштија вкупно 10 седници на кои ќе имаа можност да постават пратенички прашања.
На неколкуте седници за пратенички прашања на кои СДСМ присуствуваше, се наведува, тие го злоупотребија правото да постават прашања кои ги засегаат граѓаните и постојано читаа партиски соопштенија и нарачани прашања од страна на Заев и Шекеринска.
- СДСМ не ни може да ги брани интересите на граѓаните во Собранието бидејќи тие ниту ги знаат проблемите на граѓаните, ниту пак се обидуваат преку средби со нив да ги дознаат. Пратеничката група на СДСМ во Собранието на Република Македонија служи само за да ги одработува наредбите и инструкциите кои доаѓаат од седиштето на партијата и нејзиното раководство, а не да ги застапува интересите на граѓаните кои што гласале за нив на избори, се вели во реакцијата на пратеничката група на ВМРО-ДПМНЕ.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден