Познатата актерка откри зошто не била на погребот на Драган Николиќ

Актерката Ева Рас откри зошто не била на погребот на Драган Николиќ на кој присуствуваа голем број актери, пријатели, личности од јавниот и политичкиот живот како и негови фанови.

Нејзе и било особено тешко да присуствува на неговиот погреб, затоа што верува дека на Милена Дравиќ би и било многу потешко кога би ја видела како тагува за Драган.

– Јас повеќе не одам на погреби. Го погребав целото мое семејство. Јас не сум појава која може да ја утеши. Кога Милена би ме видела на погреб, таа уште повеќе би се натажила, бидејќи нашите судбини се поклопуваат, објаснува Ева.

Таа вели дека ќе оди само на уште еден погреб, а тоа е нејзиниот, кој не може да го избегне.