Пожарот на Тасос под делумна контрола
Пожарот што од саботата беснее на грчкиот остров Тасос денеска е ставен под делумна контрола, информираа локалните власти.
Пожарникари, волонтери и локални жители во текот на изминатата ноќ се обидуваа да го локализираат пожарот и да го спречат да се прошири кон населените места Рахони, Принос и Марион.
Противпожарни авиони денеска се уште го гасат пожарот, и според последните проценки, сите фронтови се под контрола.
Грчкиот премиер Алексис Ципрас денеска ќе замине за Тасос, заедно со делегација министри, при што ќе ги посети областите погодени од пожарот и ќе се сретне со локалните власти.
Пожарот досега целосно уништи стотици хектари маслинови дрвја, стотици сандаци со пчели, како и шумски области чија големина допрва ќе се утврдува, со што се создаде страв од зимски поплави во крајбрежните области. Некои куќи кои биле на работ на планинските села се запалени, но селата претходно беа евакуирани, така што нема жртви или повредени.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд