Пожар на висорамнината Витачево

Пожар избувна дoцна попладнево на висорамнината Витачево, Кавадаречко.

Како што соопшти Петко Ристовски од Подружницата на ЈП „Македонски шуми", горат трева и нискостеблеста шума, а пожарот се проширува од месноста Моклиште кон Витачево.

- Засега не може да се каже колкава површина е зафатена и колкави се штетите. На терен се моментно осум дежурни од подружницата „Бор" и четворица пожарникари од Територијалната противпожарна единица од Кавадарци, информира Ристовски.