Пожар избувна во автомобил во движење во Кичево

Во ОВР-Кичево вчера во 14.25 часот е пријавен пожар на возило во движење, на булеварот „Ослободување“ во Кичево, во непосредна близина на салонот на Телеком.

Портпаролот на СВР Охрид, Стефан Димоски, информира дека од преземените мерки е утврдено дека се работи за патнички автомобил „фиат“, сопственост на автошкола од Кичево, управуван од Ј.С. (54) од Кичево.

Посочи дека на опожарениот автомобил најпрво интервенирал инструкторот со противпожарниот апарат кој го поседувал во возилото, а потоа на самото место интервенирало и возило на ТППЕ Кичево.

Нема повредени лица, а причините за пожарот и материјалната штета допрва ќе се утврдуваат.