Повик за средношколска едукативна програма „Амбасадори на мирот“

Pepople to People International Skopje Macedonija, во соработка со Форум – Центар за стратегиски истражувања и документација објави повик за учесници на третата генерација од едукативната програма за средношколци „Амбасадори на мирот“.

Целта на програмата е да ги поврзе средношколците од Скопје, да ги охрабри да го вложат своето време во развој како индивидуи и да дојдат до заеднички идеи за општествено унапредување. Тема за годинашната генерација е „Придонесот на младите во унапредување на човековите права“.

Програмата ќе им понуди на средношколците едукација на неколку различни теми преку работилница за тимска работа и лидерство, за развивање вештини за изразување на критички став и за човекови права 

Учесници што успешно ќе ја комплетираат програмата ќе се стекнат со сертификат од Pepople to People International, а исто така ќе им бидат понудени и можности за понатамошно лично унапредување и придонес во заедницата.