Потресна исповед на спортистот Белин: Јас успеав, зошто другите не успеаа?

Себастијан Белин е поранешен белгиски кошаркарски репрезентативец кој како што вели „не знае како го преживеал терористичкиот напад“ во Брисел.

 

Поранешниот белгиски репрезентативец бил на бриселскиот аеродром во моментот кога беа изведени крвавите терористички напади.

 

„Сè укажува на тоа дека не требаше да преживеам. Сè, почнувајќи од количината на крвта која што ја загубив при повредата на ногата“, вели Белин во интервјуто за американски "CNN" додека се опоравува во една бриселска болница.

 

Белин се сеќава на моментот кој не само Брисел, туку ја потресе цела Европа. Само неколку секунди подоцна откако еден од вработените на аеродромот му посакал пријател лет, се слушнал болно гласен звук - експлодирала бомба вонепосредна близина. Една од фотографиите на која се гледа како маж лежи на земјата облеан со крв на аеродромот го обиколи светот, а на неа е токму Белин.

Која ја слушнал експлозијата, започнал панично да трча, но го „предале“ нозете: „Првата работа на која што се сеќавам беше чувството дека ми недостасува дел од колкот. Чувствував дека нешто ме има прободено“, вели Белин.

 

Во близина се нашол странец кој му помогнал колку-толку да го сопре губењето на крв. Белин почувствувал страшна болка кога странецот започнал да го влече за да го однесе на побезбедно место: „Мојата нога не ме следеше. Додека тој ме влечеше, јас ја држев ногата“.