Потрага по загинатите на Белиот остров
Воен тим од Нов Зеланд слета утрово на Белиот остров во потрага по телата на луѓето кои загинаа при ерупција на вулканот.
Полицијата наведува дека тоа е многу ризична операција и затоа се спроведува многу внимателно поради опасност од нови ерупции.
На Белиот остров, оддалечен 50 километри од источниот брег на Нов Зеланд, се уште излегува чад од вулканот кој, според мислењето на експертите, би можел повторно да се активира во секое време.
Бројот на загинатите се зголеми на осум, а според проценките на здравствените власти, билансот на жртвите не е конечен. Како исчезнати се водат 16 лица, а повеќе од 24 пациенти се наоѓаат на интензивна нега со тешки изгореници.
Островот е посетуван како популарна туристичка дестинација, а на денот на несреќата таму се наоѓале 47 туристи, меѓу кои најмногу австралиски државјани.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка