Потпретседателот на САД денеска ќе пристигне во Белград
Потпреседателот на САД Џозеф Бајден денеска ќе допатува во Белград, каде ќе разговара со српскиот државен врв, а аналитичарите оценуваат дека станува збор за многу значајна посета, по повод поддршката на европскиот пат на Србија и реформскиот курс на Владата на Александар Вучиќ.
Се очекува потпретседателот на САД да пристигне во текот на денот, а на аеродромот „Никола Тесла“ ќе го пречека министерот за надворешни работи Ивица Дачиќ, јавува Танјуг.
Свечениот пречек е предвиден во Палата Србија, денеска попладне, каде ќе го дочека премиерот Александар Вучиќ.
По разговорот на двете делегации, па одделната средба на Вучиќ и Бајден зад затворени врати, српскиот премиер и потпретседателот на САД ќе одржат прес-конференција.
Бајден ќе оствари средба и со претседателот на Србија Томислав Николиќ.
Според неофицијални информации, Бајден доаѓа заедно со сопругата, како и делегација кој е составена од повеќе од 400 луѓе.
За време на неговата посета во Белград во сила ќе бидат сите неопходни безбедносни мерки, кои се веќе видени за време на претходната, првата посета на Бајден во Србија во 2009 година.
По Белград, Бајден ќе отпатува во официјална посета на Косово.
Ново на Сител
-
МВР: Претреси на три локации во село Гајре, едно лице задржано на информативен разговор за убистото во Тетово
-
Борел: Орбан ја претставува само Унгарија, а не и ЕУ, на самитот на туркофонските земји во Азербејџан
-
Вулканот Етна исфрли лава и облак од пепел и чад висок околу пет километри
-
Демонстрации во Барселона против прекумерниот туризам
-
Жестоки борби во источна Украина, Русите напаѓаат се повеќе локации во Доњецк
-
Претседателот на Владата Мицкоски ќе ја предводи македонската делегација на Самитот на НАТО
-
ЦУК: Сите 18 пожари на отворено се изгаснати и од нив активни утрово нема
-
Санкционирани 134 возачи во Скопје