Потона мал брод по судар со друго пловило во Црно Море

Мал брод потона во водите на Црно Море откако се судри со друг пловен објект во реонот на градот Бејкоз, во окрупот Истанбул, информира електронското издание на весникот „Хуриет“.

Инцидентот се случил рано утринава во 2.30 часот.

Единаесет лица од 12-члениот екипаж на потонатиот брод се спасени, а еден се води за исчезнат.

Екипи на крајбрежната стража трагаат по исчезнатиот.