Потона чамец во близина на Либија, 84 лица исчезнати

Гумен чамец потона во близина на брегот на Либија, а по 84 лица се уште се трага, соопшти денеска Меѓународната организација за миграција (ИОМ), повикувајќи се на изјави од преживеани.

Од чамецот, кој потона синоќа, се спасени 24 мигранти, кои се испитувани во текот на ноќта.

- Според сведочењето, кое ИОМ го доби во Лампедуза, 84 лица се водат како исчезнати, истакна портпаролот на организацијата, Флавио ди Џакомо на Твитер.