Посмртно откриен Ковид-19 кај 53-годишен скопјанец откако завршил неговиот погреб
Посмртно е откриен Ковид-19 кај 53-годишен скопјанец кој починал вчера, семејството го зело од болница и го погребало според сите верски и народни обичаи, без да се почитуваат протоколите за Ковид-19. Отпосле дознале дека посмртниот тест за коронавирус излегол позитивен.
Случајот е потврден од страна на директорката на Државниот санитарен и здравствен инспекторат Ирина Сотирова-Бухова. Сите од семејството на починатиот кои биле присутни на погребот ќе бидат тестирани од корона вирус.
Пациентот вчера без витални знаци бил донесен во болница. Обидите за враќање во живот од страна на медицинскиот персонал биле неуспешни. Притоа му бил земен посмртен брис за Ковид-19, кој бил даден на обработка во Институтот за јавно здравје. Семејството го погребало починатиот според сите обичаи, но, денеска од болницата добиле известување дека починатиот бил позитивен на Ковид-19.
Сотирова-Бухова вели дека починатиот бил донесен во болницата без знаци на живот и неколку дена дома бил со тешка клиничка слика.
За погребување на починати од Ковид-19 има посебни протоколи. Посмртните останки се ставаат во лимен сандак и телото не се изложува. На погребите присуствуваат само членови на најтесното семејство и евентуално само едно верско лице.
Ново на Сител
-
Мажите мора да служат војска | Димитар Атанасовски | Лабави муабети | Sitel Podcast 44
-
Уапсен штипјанец кој ја нападнал сопругата со која се разведува
-
Приведен штипјанец по пријава дека физички ја нападнал сопругата
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите