Поранешен лондонски полицаец осуден на доживотен затвор за десетици силувања
Дејвид Керик, еден од најголемите сексуални предатори во поновата британска историја, кој дваесет години работел во лондонската полиција, денеска е осуден на доживотен затвор за десетици силувања и сексуална злоупотреба на дванаесет жени.
- Ги искористивте жените на ужасен начин, рече судијката Боби Чима-Граб додека ја читаше пресудата со која заврши случајот што ја влоши кризата на доверба во Скотланд Јард, која ги оглуши на предупредувањата за нивниот вработен. - Се однесуваше како да си недопирлив“ затоа што си припадник на полицијата, додаде таа.
Во делот за обвинетите, Дејвид Керик (48) со затворени очи и наведната глава го слушаше изрекувањето на пресудата.
Нему му беше судено за најмалку 85 злосторства, вклучително и 48 силувања, кои се случиле помеѓу 2003 и 2020 година. Во тој период, тој беше унапреден во елитната полициска единица во главниот град задолжена за заштита на парламентот и дипломатските претставништва.
„Злосторствата на Дејвид Керик се дамка за нашите полициски сили“, реагираше преку соопштение министерката за внатрешни работи Суела Браверман, оддавајќи им почит на „храбрите“ жртви на Керик. „Во нашата полиција нема место за такво предаторско и грозоморно однесување“, истакна таа.
Полицијата девет пати пропуштила можност да го уапси овој сериски силувач кој 17 години работел во полиција. Тој на крајот беше уапсен во октомври 2021 година за првиот случај на силување, што ги поттикна и другите жени да го пријават.
Ново на Сител
-
Трамп и Орбан ќе се сретнат во Белата куќа, руската нафта и билатералната соработка меѓу темите
-
Ја намамил жртвата во својот автомобил, ја однел на локација, па со друго лице му пукале во глава - расветлено убиството во Чашка
-
Температурата утрово од 2 до 12 степени, најмногу дожд во Крушево
-
САД од денеска ги намалуваат домашните летови за четири отсто поради затворањето на Владата
-
Започнува чистењето на Скопје, Меџити: Ова е почеток на едно ново поглавје за Скопје
-
Премиерот Мицкоски на увид во градежните работи поврзани со проектот градски воз
-
Хегсет: Три лица, означени како наркотерористи, загинаа во напад на американската армија во Карипско Море
-
Поради изведување зафат за водоводен приклучок без вода дел од корисниците од улица „Христо Смирненски“
