Поради повреда едномесечна пауза за Пандев

Горан Пандев поради повреда на бутниот мускул на левата нога ќе отсуствува од терените околу четири недели, информираат италијанските медиуми.

 

Поради повредата, Пандев само ќе го продолжи отсуството од тимот на Џенова, бидејќи тој веќе пропушти три натпревари (Милан, Удинезе, Киево) поради црвениот картон кој го доби на 23.септември на мечот во Рим со Лацио. 

 

Напаѓачот на Џенова кој најави и враќање во македонската репрезентација по двегодишно отсуство, ќе пропушти уште четири натпревари на својот тим (Емполи, Торино, Наполи, Фрозиноне).

 

Пандев на располагање на тренерот Гасперини би требало да се врати на 22.ноември за мечот со Сасуоло.