Поради поплавите прогласена тревога во три градови во Јужна Баварија

Властите во три населени места во баварскиот округ Ротал Ин денеска прогласија тревога поради поплави по обилните дождови кои го зафатија регионот.

Најтешко погодена е општината Трифтерн, со население од околу 5.000 луѓе. Под вода се многу улици, училиштето, две детски градинки и други згради. Во спасувачката операција учествуваат хеликоптери, со кои се евакуираат граѓаните од покривите на куќите.

Во другите два града, каде е прогласена трвога - Зимбах ам Ин и Тан наврнале 45 литри на метар квадратен.

Јужните и југозападните региони во Германија изминатите денови беа погодени од моќен циклон, пропратен со обилни дождови и силен ветер. Во невремето загинаа четири лица.