Поради најавените протести словенечката полиција целосно го огради плоштадот пред Собранието
Пред најавените антивладини протести во Љубљана, кои ќе се одржат вечерва, словенечката полиција целосно го огради Плоштадот на Републиката, кој се наоѓа пред зградата на Собранието, јави дописникот на МИА од Љубљана.
Овие барикади за време на минатонеделните протести беа поставени за околу 200 метри поблиску до Собранието, но и тогаш граѓаните кои протестираат бурно реагираа, велејќи дека на тој начин им се ограничува правото на слободно движење, бидејќи плоштадот е јавен простор.
Минатиот петок заштитната ограда ја прескокнаа осум демонстранти кои веднаш беа уапсени од полицијата, однесени во станица, а потоа и ослободени.
Секој петок веќе речиси еден и пол месец, илјадници граѓани протестираат против словенечката Влада, обвинувајќи ја за системска корупција. Бараат оставка од премиерот Јанез Јанша и организирање на предвремени парламентарни избори.
Ново на Сител
-
Сопружници завршиле во притвор поради меѓусебна пресметка
-
Благодатниот оган се спушти во храмот над Светиот гроб во Ерусалим
-
Серафимов: Цената на месото не е зголемена за Велигден
-
Вучиќ: Тајван е Кина и точка
-
Одбележување на годишнината од масовното убиство во Мало Орашје и Дубона
-
Во Пустец откриена спомен-биста на Гоце Делчев
-
Во црквата „Св. Спас“ одбележани 121 година од смртта на Гоце Делчев
-
Тешка сообраќајка во Прилеп: Се судриле камион и мопед, возачот на камионот избегал