Поради асфалтирање затворена за сообраќај делницата Велес - Градско

Поради асфалтирање, во периодот од 08:00 – 18:00 часот до 23 септември ќе биде затворена за сообраќај делницата Велес - Градско.

Сообраќајот на останатите државни патишта се одвива непречено, по суви коловози.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.