Поплави во Босна и Херцеговина
Реката Дрина се изли на подрачјето на босанскиот град Бијелина, поплавувајќи некои незаштитени подрачја, но засега не претставува опасност за жителите, соопшти денеска Цивилната заштита на Република Српска.
Како што јави ФЕНА, водостојот на Дрина во 7:00 часот утрово изнесувал 530 сантиметри.
Цивилната заштита на српскиот ентитет инфорнира дека водостојот на реката Сава кај Градишка утрово во 7:00 часот изнесувал 770 сантиметри, што е за три сантиметри повеќе во однос на мерењето синоќа во 21:00 часот (767см).
Сава на ова подрачје се излила кај место Орубица каде се поплавени 12 објекти, меѓу кои нема станбени куќи..
Нивото на Сава во Србац пак утрово во 7:00 часот изнесувало 891 сантиметри, што е за шест сантиметри повеќе во однос на синоќа во 21:00 часот (885 см).
Во селото Бајинац поплавени се четири куќи, а регистрирана е и појава на подземни води.
Водостојот на останатите реки кои ги пратат хидролошките служби во БиХ се движи во границите на нормалата.
Ново на Сител
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци
-
Венеција почнува да наплаќа влезници
-
ДИК објави упатство за гласање на претседателските избори
-
Избирачкиот список намален за 10 000 гласачи
-
Претседателски избори ќе ги следат 342 домашни и 568 странски набљудувачи
-
Право на глас на претседателските избори имаат 1.814.317 избирачи