Половина век од спуштањето на човекот на Месечината
Во САД во изминатиот пероид со повеќе настани и пригоди се одбележува еден од најзначајните датуми во историјата на човештвото – пилотираниот лет на Месечината со вселенската мисија „Аполо-11“.
Еден од главните настани се случи синоќа во Хантсвил, во сојузната држава Алабама, каде истовремено полетаа пет илјади модели на ракети. Со ова, Вселенско-ракетниот центар на САД одбележа пет децении од лансирањето на летот на „Аполо-11“ на Месечината.
Во чест на јубилејниот датум реставриран е скафандерот во кој Нил Армстронг го направи првиот чекор. Парите за реставрација беа донирани на глобално ниво – половина милион долари беа собрани за пет дена.
Споменикот обелиск во Вашингтон синоќа светна со илустрација на 111 метри високиот шатл со ракетата „Сатурн-5“. Тродимензионалната проекција секоја вечер ќе се вклучува по два часа во чест на годишнината.
Некои медиуми ги пренесуваат зборовите на космонаутот Мајкл Колинс за спроведувањето на првата мисија на Месечината.
Стартот на ракетата „Сатурн-5“ од Вселенскиот центар Кенеди на Флорида ја лансираше мисијата која се случи на 20 јули 1969 година, кога за првпат луѓе слетаа на Месечината.
Историскиот настан беше емитуван на телевизија и следен од половина милион Американци и останати жители од 33 земји на шест континенти.
Од политичкиот врв на САД успехот на мисијата беше оценет како победа во вселенската трка со поранешниот идеолошки соперник, Советскиот Сојуз.
Ново на Сител
-
Приведен тетовец, возел со 2,15 промили алкохол во крвта
-
Групна тепачка пред угостителски објект во Скопје, приведени шест лица
-
Судот одби да го стави Марковски во притвор
-
Возачот што го прегази Југослав Николовски на кејот призна вина за сообраќајката, ќе се брани за неукажување помош
-
Зеленски за руските напади врз украинските енергетски постројки: Потребна е решителна акција од сојузниците
-
Две лица од Неготино криумчареле седум мигранти, меѓу кои пет малолетници
-
Последни седум дена од изборната кампања, партиите со ветувања за подобар живот на граѓаните
-
Израелската влада го одобри договорот со Хамас