Полицаец удира шамар на момче на Партизанска

До редакцијата на Телма ТВ стигнало видео во кое се гледа како полициски службеник му удира шлаканица на младо момче среде Скопје, она што исто така паѓа во очи е фактот што на снимката се гледа дека полицајците не носат заштитна опрема, која е задолжителна поради епидемијата со вирусот ковид-19.

Според загрижени граѓани кои биле сведоци на настанот, инцидентот се случил вчера попладне на Партизанска во Карпош 4.

Најверојатно полицијата го сопрела момчето за тоа што со своето возило поминал на црвено, но по тоа еден од полицајците му удира шамар, а друг го трга на страна и вербално го напаѓа.