Покрената истрага против „Рено“ за испуштање на штетни гасови

Француските власти почнаа истрага против производителот на автомобили „Рено“ за испуштањето на штетни гасови.

„Рено“ е осомничен за „измама“ на резултатите од тестовите за штетни гасови кои ги испуштаат дизел моторите.

Акциите на „Рено“ на Париската берза денеска драстично опаднаа за четири проценти по информацијата за покренатата истрага. 

Германската автомобилска индустрија „Фолксваген“ во средата постигна договор „тежок“ 4,3 милијарди долари со американски регулатори за решавање на проблемот со прекумерната емисија на издувни гасови од дизел мотори, а планира да се изјасни како – виновен.

Трошоците за решавање на тој проблем надминале предвидени речиси 18,2 милијарди евра односно 19,2 милијарди евра. Од компанијата истакнуваат дека во следните три години ќе бидат под независен надзор.

Спогодбата за признавање на вината ќе треба да биде одобрена од американски сојузен судија.

Во 2015 година „Фолксваген“ призна дека во своите автомобили со дизел мотори вградил софтвер што покажувал лажни податоци за емисија на издувни гасови. Во САД продале половина милион спорни автомобили. Подоцна Фолскваген призна дека тоа е случај со 11 милиони возила ширум светот.

Спогодбата нема да ја прекине истрагата и постои можност подигнување казнени пријави за извршните директори на групацијата. Компанијата веќе се согласи да плати околу 17,5 милијарди долари за да се решат цивилни тужби.