Покетино за победата над Астон Вила: Тоа беше најдобриот натпревар на Челзи сезонава

Фудбалерите на Челзи се пласираа во осминафиналето на ФА Купот откако вечерва на „Вила Парк“ во репризата на мечот од 4. коло ја совладаа Астон Вила со 3:1.

Избраниците на Маурисио Покетино вечерва го одиграа најдобриот натпревар сезонава. Покетино изведе силен состав, исто како и Унаи Емери, но уште од самиот старт се чинеше дека гостите се порасположени и поорганизирани.

Аргентинскиот стручњак изјави дека овој Челзи бил најдобар оваа година и победата против Астон Вила најдобар натпревар за „сините“ оваа сезона.

Челзи имаше предност од 0:3 се до судиското надополнување, кога Астон Вила успеа да дојде барем до почесен гол.

Головите за „сините“ ги постигнаа Галагер, Џексон и Фернандез, додека почесниот гол за домашните беше дело на Диаби.