Показна вежба за јакнење на капацитетите на струмичката полиција
Секторот за внатрешни работи Струмица попладнево преку показна вежба и практично ги покажа напорите кои ги прави во насока на јакнење на капацитетите. Во рамки на проектот финансиран од Европската унија, полицијата е дел од кампањата за институционална надградба и градење на капацитетите во областа на граничното управување, работата на полицијата со заедницата и борбата против организираниот криминал.
Марјан Колев од ПС на БПС Струмица, рече дека во поширок контекст, проектот ќе го поддржи реформскиот процес во министерствтото за приближување кон европските стандарди преку изградба на полиција која е ориентирана кон афирмација на општествените вредности во функција на граѓаните и кој а ќе овозможи подобар квалитет на живот, заштита на правата, како мир и хармонија помеѓу сите граѓани во земјата.
Главни компоненти на проектот се јакнењето на граничната полиција за поголема и ефикасна борба против нелегален шверц со недозволени дроги, трговија со луѓе, фалсификување документи и шверц со моторни возила, потоа за зајакнување на капацитетите за процена на заканите од организиран криминал и соодветни обуки, како и борба против финансискиот и комјутерски криминал преку развој на методологии и спроведување обуки за компјутерските форензичари и техники за истражување на компјутерски криминал.
Во рамки на проектот ќе биде подготвена и Стратегија за развој на полицијата со Акциски план кој треба да биде инкорпориран и реализиран преку Бирото за јавна безбедност.
Ново на Сител
-
Поништен изборот за судија во Стразбур, Владата формираше нова комисија
-
Тема на денот со Сузана Јошевска Анастасовска, адвокат
-
Приведено лице поради обид за подметнување пожар кај брана Водоча, обвинителството бара притвор
-
Владата бара нови кандидати за ЕСЧП
-
Собранието му изгласа недоверба на обвинителот Коцевски
-
Собранието ја констатираше оставката на претседателката на Антикорупциска
-
Чешкиот „Блек Хок“ доаѓа во Скопје, ја прифативме и помошта од Словенците - најкритично на Готен
-
Аpсовска се соочи со напаѓачот Јамалари – тој не чувствува вина за нападот