Појава на ситни одрони на патниот правец Делчево – Берово
Интенизвните врнежи од снег кои го зафатија Пијанечко-малешевскиот регион придонесоа за зголемување на влажноста на коловозот, а со тоа и отежнато движење на сообраќајот на овој патен правец. На одредени делници од патот забележлива е појавата на одрони, особено во делот на патниот правец од Пехчево кон Делчево. Оваа појава најзабележлива е во делот пред селата Црник и Панчарево.
Од „Македонија пат“ информираат дека нивните екипи се постојано на терен и ги одржуваат сите патни правци проодни.
– Иако наши екипи се на терен и ги расчистуваме одроните на местата каде се забележани, поради влажните коловози апелираме возачите да ја почитуваат пропишаната сообраќајна сигнализација и да возат внимателно, велат од „Македонија пат“.
Од Општинскиот совет за безбедност на сообраќајот на патиштата во Делчево ги потсетуваат учесниците во сообраќајот дека се должни да ги почитуваат законските одредби за управување со возило во зимски услови и апелираат до возачите да направат зимска проверка и подготовка на своето возило, навремено да ја обезбедат потребната зимска опрема, секогаш да ја носат во своето возило и правилно да ја користат.
Популарно од Македонија
Ново на Сител
-
Тошковски и Памер разговарале за борбата со криумчарење луѓе, илегална миграција, тероризам и сајбер криминал
-
Во Бангкок затворени приближно 200 училишта поради загадениот воздух
-
Судот денеска ќе одлучува по барањето за амнестија на обвинетите за случајот „Организатори на 27 април“
-
Раст од 92.8 отсто на заболени од акутни заразни заболувања во декември во однос на ноември
-
Грчко МНР за изјавата на Мицкоски во Њу Џерси: Македонското прашање е решено дефинитивно и неотповикливо
-
Рекордни 8,2 тона кокаин запленети во Колумбија
-
Конгресот го усвои првиот законски предлог на Трамп за апсење илегални имигранти
-
Нов пожар во Лос Анџелес: „Хјуз“ предизвика евакуација на 50.000 луѓе
