Погребан двегодишниот Матија кој почина во градинка, бремената мајка неутешна

Двегодишниот Матија Митиќ, кој пред 4 дена почина во сон во градинката во Белград, погребан е на гробиштата во лесковачкото село Доњи Буниброд.

Во тоа село е роден неговиот татко Бојан (30) од каде во потрага за работно место пред 10 години дошол во Белград, се оженил со Олгица (25) и основал семејство.

Дворот од скромната семејна куќа на Митиќ, која ја одржува бабата Јасмина, е преплавен со тага и неверување. Зад одарот со малиот ковчег седи неутешната мајка Олгица која е во седмиот месец од бременоста. Низ дворот се шират лелеци.

-Не, не можам без него, нема живот без моето мило синче, плаче мајката и одмавнува со рака додека роднините ја молат да внимава на чедото во стомакот.

-Тоа никогаш нема да го запознае своето постаро братче - жали мајката која веста за смртта на Матеја ја заткне во потстанарската соба во Мали Мокри Луг.

-Ќе одведеш здраво дете во градинка, да го изведеш мртво. Никогаш не бил болен, сите вакцини ги прими. Како можеше да умре здраво дете. Не, тоа не е од Бога. Некој мора да е виновен, а јас ќе дознам кој е, поради другите деца, поради она кое го очекуваме, раскажува таткото, не успевајќи да ја заврше реченицата поради големата болка.

Погребот е извршен на локалните гробишта во 13 часот. Малиот Матеја легнал во градинка со другарчињата да одмори попладне и никогаш не се разбуди.

Воспитувачките, а потоа и лекарите се обидувале да го оживеат, но безуспешно. Резултатите од обдукцијата треба да покажат од што починал малечкиот. Се претпоставува дека тоа е синдромот на ненадејна смрт што обично се случува кај мали бебиња на возраст од 3 до шест месеци.