Погледнете го магичниот рудник откриен од Александар Македонски
Рудникот за сол Кевра, кој бил откриен дури во 320 година пред новата ера од страна на војниците на Александар Македонски е вториот најголем рудник на светот.
Во неговите 40 километри долги тунели скриени се освелена џамија направена од камена сол, електрична железница и клиника за лечење астма.
Кевра се наоѓа јужно од пакистанската престолнина Исламабад, а годишно истиот го посетуваат повеќе од 250 илјади посетители.
Железницата во рудникот која била изградена уште во 30-те години на минатиот век и која тогаш ги извлекувала работниците од рудникот, денес служи за да ги пренесува туристите кои се заинтересирани да ги разгледаат необичните структури од сол кои светкаат во различни нијанси на розова и бела боја.
Рудникот и денес е најголем извор на сол во Пакистан, токму тука се произведуваат повеќе од 350 000 тони годишно, а ископувањата се вршат на 18 нивоа. Се со цел големиот рудник да не се сруши, само половина од пронајдената сол се ископува.
Експериментална клиника којашто е отворена во рудникот за лечење астма се повеќе привлекува пациенти од целиот свет.
Единствениот рудник за сол во светот, кој е поголем од овој во Пакистан, е рудникот Сифто во Канада.
Ново на Сител
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола
-
Во Белград ќе продолжи судењето за масовно убиство во Дубона и Мало Орашје
-
Владина делегација оддаде почит пред споменикот на св. Кирил и Методиј во Скопје
-
Четири лица загинаа во пожар во Токио
-
Радев: Желбата на Република Северна Македонија за дијалог е позитивен знак
-
На 28 мај закажана конститутивната седница на Собранието