Свет
10. May 2018 - 10:46

Погледнал во дворот и не можел да им верува на своите очи: Вулканот на Хаваи ги тероризира со денови, а жител сними неверојатна глетка

Жител на Хаваи Кејт Брок сними ерупција на вулканот на крајот од својот двор.

Кејт Брок се вратил во својот дом на Хаваи по работите, кога го изненадила нова активна ерупција на вулканот. Истиот момент го снимил исфрлањето на лава на крајот од својот двор.

Ерупцијата на вулканот на Хаваите им се заканува на стотици домови, а досега се уништени најмалку 36. Околу 2.000 жители се повикани на итна евакуација. На некои им е дозволено да се вратат и се обидуваат да ги спасат своите домашни миленичиња и да дојдат до потребните лекови.

Властите на Хаваи им наложија на граѓаните да ги напуштат своите домови откако се појавија две нови пукнатини покрај вулканот Килауеа, по ерупцијата пред недела дена и серијата силни потреси.

Вулканот Килауеа е еден од најактивните вулкани на светот. Неговата ерупција трае од 1983 година, а лавата овој пат се спуштила до населените подрачја на 3 мај.